1. திணை என்பது எதனைக் குறிக்கிறது? 

 சாதியைக் குறிக்கிறது. 

2. இரு திணைகளும் எவை? 

1) உயர்திணை 

2) அஃறிணை 

3. உயர்திணை என்பது யாது? 

 மக்கள், தேவர், நரகர் முதலானோரைக் குறிக்கும் திணை உயர்திணை ஆகும். உ+ம்: கண்ணன், உதயா, முருகன், அசுரன்.

4. அஃறிணை என்பது யாது? 

 மக்கள், தேவர், நரகர் தவிர்ந்த உயர்வல்லாத ஏனைய உயிருள்ளவை, உயிரற்றவை அனைத்தையும் குறிக்கும் திணை அஃறிணை எனப்படும். 

 உ+ம்: மரம், காகம், புத்தகம், யானை.

5. ஐம்பால்களும் எவை? 

1) ஆண்பால் 

2) பெண்பால் 

3) பலர்பால் 

4) ஒன்றன் பால்  

5) பலவின் பால்

6. உயர்திணைக்குரிய பால்கள் எத்தனை? அவை எவை? 

மூன்று. 

அவையாவன: 

1) ஆண்பால் 

2) பெண்பால் 

3) பலர்பால்

7.அஃறிணைக்குரிய பால்கள் எத்தனை? அவை எவை? 

இரண்டு. 

அவையாவன:

1) ஒன்றன் பால் 

2) பலவின் பால்

8. பால் காட்டும் விகுதிகள் எவை? 

1) ஆண்பால் விகுதிகள் -     அன், ஆன் 

2) பெண்பால் விகுதிகள் -   அள், ஆள் 

3) பலர்பால் விகுதிகள் -       அர், ஆர், ப, மார் 

4) ஒன்றன்பால் விகுதிகள் - து, டு, று 

5) பலவின்பால் விகுதிகள் - அ, ஆ

9. பால் காட்டும் விகுதிகளுக்கு உதாரணம் தருக. 

1) ஆண்பால் விகுதிகள்

   அன் உ+ம்: நடந்தனன்

   ஆன் உ+ம்: படித்தான் 

2) பெண்பால் விகுதிகள் 

   அள் உ+ம்: படித்தனள் 

  ஆள் உ+ம்: படித்தாள் 

3) பலர்பால் விகுதிகள் 

   அர் உ+ம்: நடந்தனர் 

  ஆர் உ+ம்: நடந்தார்

  ப  உ+ம்: மொழிப 

  மார் உ+ம்: கொண்மார் (கொள்பவர் எனும் பொருள்படும்.) 

4) ஒன்றன்பால் விகுதிகள் 

    து  உ+ம்: நடந்தது 

   டு  உ+ம்: இது குறிப்புவினை முற்றிலே மாத்திரம் வரும். 

   று  உ+ம்: இது இறந்தகால இடைநிலையோடு மாத்திரம் வரும். 

5) பலவின் பால் விகுதிகள்

  அ   உ+ம்: பறவைகள் பறந்தன. 

  ஆ   உ+ம்: நடவா (இது எதிர் மறையிலேயே வரும்.)

10. மூவிடங்களும் எவை?

 1) தன்மை

 2) முன்னிலை

 3) படர்க்கை