பாடசாலையில் சந்தை
தரம் 2 பாடம் 21.1
பாடசாலையில் சந்தை
மாணவர்கள்:- வாருங்கள்..... வாருங்கள்...... சத்துள்ள மரக்கறிகளும் சுவையான பழங்களும் உள்ளன. வாருங்கள் வந்து வாங்குங்கள். வாருங்கள்! வாருங்கள்!
ஆசிரியர் 1:- என்ன மரக்கறிகள் இருக்கின்றன பிள்ளைகள் ?
மாணவன் 1:- கத்தரிக்காய், வெண்டிக்காய், பூசணிக்காய்கள் உள்ளன.
ஆசிரியர் 1:- எனக்கு பூசணிக்காய் ஒன்றும் கத்தரிக்காய் அரைக் கிலோவும் தாருங்கள்.
மாணவன் 1:- இதோ நீங்கள் கேட்ட காய்கறிகள். எண்பது ரூபாய் தாருங்கள்.
ஆசிரியர் 1:- நன்றி...
ஆசிரியர் 2:- பிள்ளைகளே என்ன பழங்கள் உள்ளன.
மாணவன் 2 :- வாழைப்பழம், அன்னாசிப்பழம், பப்பாசிப்பழம், மாதுளம்பழம் என்பன உள்ளன.
ஆசிரியர் 2:- இவற்றின் விலைப்பட்டியலைக் காட்டுங்கள்.
மாணவன் 2:- இதோ உங்களுக்குத் தெரிவது போல் நான் எழுதி வைத்துள்ளேன்.
ஆசிரியர் 2:- சரி எனக்கு ஒரு பப்பாசிப்பழமும் மாதுளம்பழமும் தாருங்கள்.
மாணவன் 2:- இந்தாருங்கள் நீங்கள் கேட்ட பழங்கள். ஐம்பது ரூபாய் தாருங்கள்.
ஆசிரியர் 2:- நன்றி
