நல்ல ஒளவைப் பாட்டி
தரம் 6 பாடம் 6:1.1
நல்ல ஒளவைப் பாட்டி
பாலும் தேனும் பாட்டிலே
பண்பும் கலந்து ஊட்டியே
நாளும் நிலைத்தாள் நாட்டிலே
நல்ல ஒளவைப் பாட்டியே !
ஊட்டம் பெற்றுச் சிறுவரும்
உவந்து படித்துச் சிறந்திட
கூட்டிச் சிறப்பாய்க் குணங்களை
கொடுத்தாள் பாட்டாய் இனித்திட!
ஆத்திசூடி, கொன்றை வேந்தன்,
ஆன்ற நல்வழி, மூதுரையும்
சாத்துக்குடியாய் பிழிந்தெடுத்து
சர்க்கரை போட்டுக் குடிக்க வைத்தார்!
வில்லாய் முதுகு கூன் விழுந்தும்
விரைந்த நாணயக் கோல் பிடித்து
வெல்லும் அம்பாய் கவிகூறும்
வெள்ளப் பாவை ஔவையே!
