மூதுரை
தரம் 4 பாடம் 11:1.1
மூதுரை
வெண்பா : 1
நன்றி ஒருவர்க்குச் செய்தக்கால் அந்நன்றி
'என்று தருங்கொல்?' எனவேண்டாம் - நின்று
தளரா வளர்தெங்கு தாளுண்ட நீரைத்
தலையாலே தான்தருத லால்.
விளக்கம்
ஒருவருக்கு உதவி செய்யும் போது, அதற்குப் பிரதியுபகாரமும், நன்றியும் எப்போது கிடைக்கும் என்று கருதி செய்யக்கூடாது. எப்படிப்பட்ட நீரை வேர் மூலம் உண்டாலும், நன்கு தளராது வளர்ந்துள்ள தென்னை மரம் அந்த நீரைச் சுவையான இளநீராக தந்து விடும். அதுபோல ஒருவர்க்குச் செய்த சிறு உதவியும் பெரிய விதத்தில் நமக்கு ஒரு காலம் நிச்சயம் நன்மை பயக்கும்.
