1.தானியாகு பெயர் என்றால் என்ன?

தானியொன்றின் பெயர் அதனோடு தொடர்புடைய பிறிதொரு பொருளுக்காகி வருதல் தானியாகு பெயர் எனப்படும்.

உ+ம்: அடுப்பிலிருந்து பாலை இறக்கு

2. கருவியாகு பெயர் என்றால் என்ன?

கருவிப் பெயரொன்று அதனோடு தொடர்புடைய பிறிதொரு பொருளுக்காகி வருதல் கருவியாகு பெயர் எனப்படும். 

உ+ம்: திருவாசகம் ஓதினான்.

3. காரியவாகு பெயர் என்றால் என்ன?

காரியப் பெயரொன்று அதனோடு தொடர்புடைய பிறிதொரு பொருளுக்காகி வருதல் காரியவாகு பெயர் எனப்படும்.

உ+ம்: இந்நூல் அலங்காரம். 

4. கருத்தாவாகு பெயர் என்றால் என்ன?

கருத்தா ஒருவரின் பெயர் அவரோடு தொடர்புடைய பிறிதொரு பொருளுக்கு ஆகிவருதல் கருத்தாவாகு பெயர் எனப்படும். 

உ+ம்: இவருக்கு வள்ளுவர் மனப்பாடம்.

5. உவமையாகு பெயர் என்றால் என்ன?

 உவமானப் பெயரொன்று அதனோடு தொடர்புடைய உவமேயத்திற்காகி வருதல் உவமையாகு பெயர் எனப்படும்.

 உ+ம்: பாவை வந்தாள். 

6.அளவையாகு பெயர் எத்தனை வகைப்படும்? அவை எவை? 

நான்கு வகைப்படும். அவையாவன:

1) எண்ணலளவை ஆகுபெயர் 

2) எடுத்தலளவை ஆகுபெயர் 

3) முகத்தலளவை ஆகுபெயர் 

4) நீட்டலளவை ஆகுபெயர்

7.எண்ணலளவை ஆகுபெயர் என்றால் என்ன? 

எண்ணுப் பொருள் ஒன்றின் பெயர் அதனோடு தொடர்புடைய பிறிதொரு பொருளுக்காகி வருதல் எண்ணலளவை ஆகுபெயர் எனப்படும். 

உ+ம்: ஐந்தும் கெட்டு அறிவும் கெட்டது.

            நாலும் இரண்டும் சொல்லுக்குறுதி.

8.எடுத்தலளவை ஆகுபெயர் என்றால் என்ன? 

எடுத்தலளவைப் பொருளொன்றின் பெயர் அதனோடு தொடர்புடைய பிறிதொரு பொருளுக்காகி வருதல் எடுத்தலளவை ஆகுபெயர் எனப்படும்.

உ+ம் : இரண்டு கிலோ வாங்கினேன்.

             இரண்டு வீசை தந்தான். 

9.முகத்தலளவை ஆகுபெயர் என்றால் என்ன? 

முகத்தலளவைப் பொருளொன்றின் பெயர் அதனோடு தொடர்புடைய பிறிதொரு பொருளுக்காகி வருதல் முகத்தலளவை ஆகுபெயர் எனப்படும். 

உ+ம்: ஒரு லீற்றர் கொடுத்தேன்.

            நாழியுடைந்தது. 

10.நீட்டலளவை ஆகுபெயர் என்றால் என்ன? 

நீட்டலளவைப் பொருளொன்றின் பெயர் அதனோடு தொடர்புடைய பிறிதொரு பொருளுக்காகி வருதல் நீட்டலளவை ஆகுபெயர் எனப்படும். 

உ+ம்: உடுப்பது நான்கு முழம்.

            கீழைத்தடி வளைந்தது.